هل احنا كئبة

كعادتي كل يوم اصحى من النوم وادخل اشطف واتوضى واصلي وبعدين افتح الكمبيوتر وعادة ان اول حاجة اعملها على الكمبيوتر ان العب لعبة اسمها تشين انفيدر وافضل على الكمبيوتر حوالي 3 ساعات وبعدين العصر يأذن وأقوم اصلي وأطفي الكمبيوتر واقعد على التلفزيون وعادة الكلام ده بيحصل ايام الاجازة فقط لان ايام الدراسة بيبقى الوضع مختلف الى حد ما المهم بفضل اتفرج على التلفزيون لحد الغدا ما يجهز واتغدى وبعدين قعد شوية تاني على الكمبيوتر وبعدين اقوم اشطف والبس وانزل اروح لاحمد وهناك بتجتمع انا واصحابي وبنفضل نكلم في حاجات عادية جدا والكلام ده بيكون دايما من غير جدوى وان دخلنا في موضوع جدلي عادة ما يتمسك كل واحد برأيه حتى لو كان رأيه غلط وبينتج من الجدل ده ان كل واحد شايل في نفسه من التاني معرفش ليه بس دي الحقيقة ومن أكتر الحاجات اللي بتستفذني ان معظم كلامنا بيبقى على الكمبيوتر والموبايلات وخصوصا من واح صاحبي ؟؟؟ وبعدين بننقل اما عن حاجتين الكرة اوالكليات والدراسة وخاصة من واحد صاحبي ؟؟؟ وديما حياتنا ماشية على هذا النوع بس مش ده الكلام اللي خلاني أسمي الموضوع بالعنوان ده لكن هو جزء منه بس انا في يوم بسأل أختي عني بحكم انها بنت ولها أصحاب بنات وأنا بحب اعرف راي البنات فيا لانهم بيمثلولي شئ كبير وتوقعاتي كانت بتقول انهم بيحبوني مش الحب اللي ممكن تفكرو فيه بس يعني ممكن الاعجاب اوما شابه ذلك لقيت الحقيقة المرة انها قالتلي ان صحابها مش بيطقوني لان انا انسان كئيب حياتي كئيبة عمري متعملت مع الجنس اللطيف ومعنديش زوق معاهم وكمان الكلام ده امتد لاصحابي اللي قالو عنهم انهم رخمة وكئبة وحياتهم مش عارفين عايشينها إزاي هما مبيشفوش الشباب عايش الشباب وبيعمل ايه انا إندهشت من الكلام ده لان انا مشكده خالص ولا عمري فكرت ان حد ممكن يقول عننا كده لان انا فاكر ان انا واد برنس اي بنت تتمناني ولو بكلمة مني ده ممكن يكون غرور بس هو غرور حميد من وجهة نظري لكن في نفس الوقت لقيت واحدة من صحابها بتشكر فيا وبتقول ان انا واد فرفور وجنتل ياه ساعتها انا الدنيا منتش مسعياني وفرحت والغرور رجع تاني وقولت لاختي ان إصحابك التانيين دول فلاحين ورخمة ويال صغيرة لسه ومش فاهمين حاجة وقعدت اغلي في نفسي حوالي ساعتين بس في النهاية إقتنعت ان انا انسان روتيني فعلا ومش بعمل حاجة جديدة ولازم فعلا فعلا أتغير وأصحايبي لازم يتغيرو معايا ونسيبنا من الروتين اللي احنا فيه ده

في الباية انا احب ان اشكر كل اللي هيقرا المدونة وخاصة اول كتابتي وهيكون الشكر واجب الاحترام الى كل واحد هيترك تعليق بناء اونقد محترم
انا عاوز اكلم في اول موضوع ليا الى موضوع مهم اتنشر في الفترة الاخيرة وهو
ميثاق وزارء اعلام العرب لتوعية الفضائيات
في الاول انا عاوز اسال المؤتمر ده معمول ليه ولأيه مهو معروف نتايجه من قبل ميجتمعوا بالمؤتمر هما فاكرين انهم يقدرو يقننو عمل الفضائيات ده عمل شبه ان يكون مستحيل ولكن على كل حال هه يمسهل
المهم ان قرارات المؤتمر خرجت كعادة الوزراء والحكام العرب ان احنا اتفقنا على ان لازم يكون في قواعد وقوانين ملزمة لعمل الفضائيات وكل ما يشبه ذلك.......... هههههههههههههههههه ............ ما علينا
المهم ان الموضوع ده اتعملوا ضجة اعلامية كبيرة من المحيط للخليج مع ان الموضوع ده في حد ذاته موضوع عادي ومتكرر مش عاوز اقول انه (تافه) واتعملو ندوة مخصوص في كلية الاعلام جامعة القاهرة وقعدو يومين بحالهم يناقشو في قرارت المؤتمر العربي الجليل لا حول ولا قوة الا بالله
هما فاكرين انهم يقدرو انهم يوقفو برنامج مثلا زي القاهرة اليوم او يوقفو قنوات ميلودي (ميلودي والله العظيم تصنع الملل)
وللعلم ان مجموعة قنوات ميلودي هي احد املا ك المناضل المصري العظيم الحاج (أشرف مروان) رحمه الله اصل قنوات ميلودي بتقدم نماذج الفضائيات المحترمة اللي بتحاول تربي مجتمع صاحب مبادئ الله عليكي ياملودي فينك من زمان
انا مش بهاجم المؤتمر بس احنا عارفين اللي هيحصل فيه خلينا نفكر في موضيع اهم من كده تهم الشارع المصري اولا ثم العربي وكل دولة مسؤلة عن حماية شعبها وعلى رأي المثل(اذا كان رب البيت بالدف ضاربا فشيمة اهل البيت كلهم الرقص) المهم ان للموضوع ده تكملة كبيرة ولكن لضيق الوقت هكتفي بهذا القدر وغدا نكمل لالالالا اسف فاصل ونواصل

قريبا

انتظرونى فى اولى كتاباتى فى القريب العاجل ان شاء الله
حماده